Përhapja e koronavirusit ka bërë që e gjithë bota të marrë masa serioze, si mbyllja e vendeve publike. Shkollat, kafenetë janë të gjitha të mbyllura me urdhër të qeverive.
Ky izolim ka qenë një provë mjaft e vështirë për ne si popull duke pasur parasysh sa shumë ne i preferojmë kafenetë.
Në një intervistë të bërë në Bronx, të New York-ut tregohet një kafene e tejmbushur me shqiptarë pavarësisht alarmit të përhapur nga koronavirusi.
Një gazetare ka marrë në intervistë një punonjës shqiptar nga Kosova në një kafene që ndodhet në një lagje të mbipopulluar me shqiptarë.
“Nuk ka virus që t’i ndalë shqiptarët të dalin të pinë kafe. Ata gjithmonë vijnë edhe në dëborë”, shprehet Florian Lota.
Mesa duket, dëshira e shqiptarëve për kafe është më e madhe se frika nga koronavirusi.
