Lëkurë e butë, bel i hollë dhe gjoks të bollshëm, ajo. Shpatulla të gjera dhe bark mermeri, ai. Unë jam gruaja dhe burri ideal sipas imazheve të krijuara nga inteligjenca artificiale në një projekt ndërgjegjësimi për çrregullimet e të ngrënit.
Për disa dekada, të rinjtë ndjekin modelet utopike të bukurisë: fillimisht ato të propozuara nga revistat, kinemaja dhe TV, sot ato që qarkullojnë në rrjetet sociale.
Për këtë arsye, “Progetto Bulimia” ka vendosur të paralajmërojë për problemin duke shfrytëzuar teknologjinë e momentit, përkatësisht inteligjencën artificiale, për të kryer një eksperiment “zbulues” .
BUKURIA NE KOHEN E INSTAGRAMIT. Tre modele të ndryshme që gjenerojnë imazhe janë përdorur për të marrë modele bukurie femrash dhe meshkujsh bazuar në Instagram, Snapchat dhe rrjete të tjera sociale.
Imazhet e prodhuara shfaqen në shumicën e rasteve në kufi me groteskun. Trupat e femrave dhe meshkujve janë dukshëm jorealistë, me matje ekstreme si në pjesët femërore (bele të hollë dhe gjoks të bollshëm) ashtu edhe në ato mashkullore, me meshkujt që shfaqen si versione të bodybuilders me fotoshop.
Imazhet janë jashtëzakonisht të ngarkuara edhe nga pikëpamja seksuale. “Duke marrë parasysh që mediat sociale përdorin algoritme të bazuara në përmbajtjen që tërheq më shumë vëmendjen e përdoruesve, është e lehtë të merret me mend pse interpretimet duken kaq të seksualizuara”, shpjegojnë studiuesit.
JOREALE, POR EDHE RACISTE. Nuk mbaron këtu: është zbuluar se më shumë se 40% e imazheve të krijuara nga programet e AI pasqyrojnë gjithashtu karaktere diskriminuese dhe raciste. Shumica dërrmuese e rezultateve paraqitën kryesisht modele me lëkurë të bardhë dhe ulliri (në 53% të rasteve) dhe me flokë bjonde (në 37%).
“Në epokën e filtrave të Instagram-it dhe Snapchat-it, askush nuk mund të përmbushë në mënyrë të arsyeshme standardet fizike të vendosura nga mediat sociale, kështu që pse të përpiqeni të përmbushni ideale të tilla joreale?” përfundojnë studiuesit.
“Është më e shëndetshme mendërisht dhe fizikisht të ruash pritshmëritë e realitetit, duke shmangur përballjen me çrregullime serioze si bulimia dhe anoreksia”.
Përshtati në shqip nga Focus.it, Fjala.al
