Italia e cila është duke u përballuar me koronavirusin i cili ka shkaktuar viktima të shumta është tronditur mbrumë edhe nga një valë tërmetesh brenda pak orësh.
Tërmeti ka goditur bregdetin perëndimor të Kalabrisë, pranë provincave të Cosenza dhe Catanzaro mëngjesin e sotëm.
Sipas agjencisë italiane të lajmeve ANSA, deri më tani janë regjistruar mbi 10 tërmete, ku më i forti kishte një magnitudë prej 3.9 në orën 1:52 pas mesnate me një epiqendër 7 km nga Nocera Terinese (Catanzaro) dhe Serra d’Aiello (Cosenza) dhe një thellësi prej 33 km.
Lëkundjet me magnitude 3.4 dhe 3.5 u regjistruan përkatësisht në orën 1:55 dhe 2:02.
Tërmeti është ndjerë edhe qytetarët të cilët janë të izoluar në shtëpi për shkak të koronavirusit. Deri më tani nuk janë raportuar dëme materiale apo në njerëz.
