Gjysma e qeverisë polake janë futur në karantinë. Rreth 15 ministra janë izoluar për të mos përhapur më tej koronavirusin. I pari që rezultoi pozitiv në testin e koronavirusit ishte ministri i Mjedisit, 29-vjeçari, Michal Wos.
Sipas shefit të shtabit të kryeministrit, Michal Dworczyk, ministri Wos njoftoi se kishte rezultuar pozitiv të hënën në mbrëmje. Mbledhja e fundit e qeverisë polake u mbajt më 10 mars, ku nëntë nga 24 ministrat munguan në atë takim, përfshirë kryeministrin Mateusz Morawiecki dhe ministrin e Shëndetësisë Lukasz Szumowski.
Ministrat e mbetur u testuan të hënën në mbrëmje dhe janë në karantinë në pritje të rezultateve që duhet të dalin gjatë ditës së sotme.
Sipas ministrit të Shendetësisë Szumowski, kulmi i rasteve me koronavirus në Poloni mund të jetë 2-3 javëve. Ndërsa janë 177 raste të konfirmuara me katër vdekje deri më tani.
