Vajza e Jozefina Topallit, Megi, ka kurorëzuar dashurinë e saj në martesë, në Shirokë. Lajmin e bukur e ka bërë të ditur vetë ajo pasi ka bërë një postim në rrjetet sociale, ku ka ndarë disa fotografi nga dita e saj e veçantë.
“Sot, kemi një ditë të mrekullueshme, një ditë plot me dashuri, lumturi dhe emocione të pafundme.
Në këtë ditë të shenjtë për ne, së bashku me Angjin dhe dy fëmijët tanë të shtrenjtë, festojmë dashurinë dhe perkushtimin që na bashkon si familje. Familja është një dhuratë e madhe, ajo është thelbi i gjithçkaje, është burimi i lumturisë dhe një forcë e jashtëzakonshme në jetën tonë.
Ne jemi të lumtur që mund t’i ndajmë disa foto nga ky moment i veçantë me ju të gjithë. Falënderojmë familjet tona, miqtë, dhe të gjithë ata që kanë ndarë këtë ditë të veçantë me ne. Ju jeni pjesë e kujtimeve tona të bukura dhe ndihemi mirënjohës për përkrahjen dhe dashurinë që na jepni”, shkruan Megi bashkëngjitur fotove të dasmës.
Ndërkohë kujtojmë se Megi ka qenë në qendër të vëmendjes për shkak të lidhjes me këngëtarin e njohur, Luiz Ejlli, vite më parë.
