Deputetja Flutura Açka është shprehur kundër projektligjit të qeverisë i cili detyron studentët e mjekësisë të punojnë në Shqipëri për 5 vite nëse duan që ata të tërheqin diplomën.
Açka theksoi se kjo është një masë ekstreme dhe e pavend.
Deputetja kujtoi se ky projekligj nuk është konsultuar me studentët i cili është grup interesi në këtë rast.
“Keni kohë që i bëni punët kështu në këtë parlament. E kemi diskutuar me ministren, duhen marrë masa që shqiptarët mos të ikin.
Por ky projektligj është një masë ekstreme. Vendim i pavend. Nuk është konsultuar me grupet e interesit. Nuk e shoh të arsyeshme të vijë në parlament me kaq nxitim” – u shpreh deputetja
