Nëna Mbretëreshë Elisabeth në traditën e përvitshme të urimit të Krishtlindjeve ka vënë theksin te vështirësitë që i është dashur të kalojë këtë vit. Mbretëresha tha se, me ‘hapa të vegjël’ mund të kapërcejnë vështirësitë pas vitit të trazuar, për familjen Mbretërore dhe kombin.
Princi Philip u përball me një hetim policor për një aksident automobilistik. Princi Harry pranoi tensionet në marrëdhëniet e tij me vëllanë e tij të madh William, dhe gruaja e Harry-t, Meghan, pranoi se ajo po luftonte për t’u përshtatur me jetën e saj të re.
“Rruga, natyrisht, nuk është gjithmonë e qetë, dhe ndonjëherë mund të jetë ndjerë herë pas here këtë vit, por hapa të vegjël mund të bëjnë një botë ndryshimesh”,- ka thënë mbretëresha Elisabeth.
Komentet besohet se janë referenca e saj e parë publike për trazirat me të cilat përballet familja e saj këtë vit. Ashtu si u vu re mbi tryezën e saj, mungonin fotot e Princ Harry, bashkëshortes së tij, Meghan dhe natyrisht të Princ Andrew”.
Mëngjesin e sotëm bashkëshorti i Elisabeth, duka 98-vjeçar i Edinburghut doli nga spitali pas katër ditësh trajtimi për probleme disa probleme me shëndetin.
Ajo që u vu re në tavolinën e mbretëreshës Elisabeth, ishte mungesa e fotos së Meghan dhe Harry. Kujtojmë që këtë vit Meghan dhe Harry do të kalojnë festën e Krishtlindjeve larg familjes mbretërore.
Në fakt, Mbretëresha ndryshon rregullisht fotografitë e familjes që zbukurojnë tryezën e saj, por padyshim që ka një domethënie të veçantë në ato që shfaqen, si dhe në ato që nuk shfaqen.
Prandaj mbani mend kur të uleni të shihni nesër Mbretëreshën, çdo fotografi në tryezë tregon një histori./Përgatiti dhe përshtati: Kamela Liko/ Fjala.al/ Burimi: /DailyMail
