Mjeku Pëllumb Pipero ua ka bërë të qartë moshës së tretë në Shqipëri se nëse sëmuren nga koronavirusi mundësia për t’i ndihmuar është shumë e vogël. Në emisionin “Opinion”, Pipero theksoi se të moshuarit janë më të kërcënuarit dhe u kërkoi atyre që të mos dalin nga shtëpitë.
“U them atyre se, nëse doni t’i gëzoni ata nipër dhe mbesa, mos dilni nga shtëpitë. Sepse, nëse vini në spital mundësia për t’ju ndihmuar është shumë e vogël”, deklaroi Pipero.
Mjeku theksoi se ky virus godet kryesisht moshat e treta, por gjithashtu, nuk kursen as të rinjtë.
