Ministria e Mbrojtjes ka nxjerrë në rrugë ushtarët për të disiplinuar qytetarët që të ruajnë distancën nga njëri-tjetri në vendet publike, veçanërisht kur shkojnë në ushqimore, supermarkete, apo mbajnë radhë në banka, për të parandaluar përhapjen e koronavirusit.
Sipas njoftimit të bërë publik nga ministrja e Mbrojtjes Olta Xhaçka theksohet se “Në çdo supermarket dhe bankë në fashat e orareve 6.00 – 10.00 dhe 16.00 – 18.00 do të gjeni efektivë të Forcave të Armatosura dhe të Policisë së Shtetit për të mundësuar të gjithë bashkë, ju dhe ne, zbatimin E PADISKUTUESHËM të rregullave të vendosura për këto ditë të vështira.”
Nga ana tjetër në rrugë ka dalë edhe policia për të monitoruar qytetarët që të ruajnë distancën kur dalin gjatë fashave orare të përcaktuar nga qeveria.
Njoftimi i ministres së Mbrojtjes, Olta Xhaçka:
?Në çdo supermarket dhe bankë në fashat e orareve 6.00 – 10.00 dhe 16.00 – 18.00 do të gjeni efektivë të Forcave të Armatosura dhe të Policisë së Shtetit për të mundësuar të gjithë bashkë, ju dhe ne, zbatimin E PADISKUTUESHËM të rregullave të vendosura për këto ditë të vështira.
?Këta djem që shikoni në foto kanë lënë në shtëpi familjet e tyre e po bëjnë të pamundurën për t’ju mbrojtur në mënyrën më të mirë që ata dinë: DISIPLINIMIN.
?Ndiqni këshillat e specialistëve
?Respektoni oraret
?Mbani rradhën në supermarkete e banka
?Ruani distancën 2 metër nga njëri – tjetri
?Respektoni masat mbrojtëse në ambjentet publike
?Qëndroni në shtëpi me familjet tuaja
??Mirënjohje çdo efektivi të FA e Policisë së Shtetit në krye të detyrës.
