Jo të gjitha pijet alkoolike janë të dëmshme, birra një vlerë për organizmin

113 563 lexime

124,178FansaPëlqeje

Kështu pretendojnë shkencëtarët sipas të cilëve birra ul rrezikun e shfaqjes së sëmundjeve kardiovaskulare, rrit dendësinë e kockave.

Gjithashtu parandalon shfaqjen e sklerozës apo sëmundjeve koronare, ndihmon sistemin tretës, parandalon plakjen, trajton diabetin, gurët në tëmth, gurët në veshka, osteoporozën dhe tensionin e lartë.

Për më tepër, birra është shumë efikase kundër stresit dhe ka efekt çlirues për sistemin urinar. Birra është një pije alkolike që përdoret për të shoqëruar vakte të ndryshme.

Përdoret masivisht në Amerikën e Veriut dhe Evropë dhe përmban më shumë proteina dhe vitaminë B se vera, ndërkohë që ka të njëjtën sasi antioksidantësh si ajo.

Malto, një nga përbërësit kryesorë të birrës, është një burim i pasur flavonoidësh që janë antioksidantë të fuqishëm. Ajo është një burim i mirë i disa mineraleve që luajnë rol kyç në disa procese të metabolizmit.

Nëse konsumohet në sasi të moderuara, ajo mundet të përmirësojë shëndetin në disa mënyra. Vlerat shëndetësore të birrës janë të prekshme vetëm nëse nuk e teproni me të.

Vlerat shëndetësore të birrës

Ul rrezikun e sëmundjeve kardiovaskulare: Birra përmban vitaminë B6 që mbron kundër sëmundjeve të zemrës. Ajo ka ndikim hollues tek gjaku dhe parandalon trombozën që bllokon arteriet koronare. Konsumi i moderuar i birrës pakëson rrezikun e shfaqjes së inflamacionit, shkaktari kryesor i aterosklerozës, ul kolesterolin dhe pastron arteriet nga bllokimet e ndryshme.

Shton dendësinë e kockave: Pirja e kujdesshme e birrës shton dendësinë e kockave dhe parandalon rrezikun e frakturave dhe osteoporozës.

Diabeti: Studimet kanë treguar që pirja e moderuar e birrës pakëson rrezikun e shfaqjes së diabetit të tipit 2.

Parandalon aneminë: Birra është një burim i mirë i vitaminës B12 dhe acidit folik, pamjaftueshmëria ndaj të cilit mund të shkaktojë anemi. Vitamina B12 është thelbësore për zhvillimin normal, kujtesën e mirë dhe përqendrimin.

Lexo edhe :  Çfarë i ndodhë trupit tuaj nëse hani shumë shalqi?

Hipertensioni: Konsumatorët e rregullt të birrës kanë tension më të ulët të gjakut në krahasim me njerëzit që pinë sasi të njëjta të verës apo pijeve të tjera alkoolike.

Kundër plakjes: Birra rrit fuqinë dhe ndikimin e vitaminës E, një antioksidant i fuqishëm në organizëm që ruan shëndetin e lëkurës dhe ngadalëson plakjen.

Gurët e tëmthit: Konsumi i rregullt, por i moderuar i birrës, ndikon në uljen e kolesterolit dhe rrezikun e formimit të gurëve në tëmth.

Parandalon sklerozën dhe sëmundjet koronare: Birra rrit nivelet e kolesterolit të mirë me 10-20 përqind dhe ul rrezikun e sklerozës dhe sëmundjeve kardiovaskulare.

Përmirëson sistemin tretës: Birra stimulon acidin gastrik, enzimat e pankreasit dhe funksionet e sistemit tretës.

Gurët në veshka dhe osteoporoza: Birra përmban shumë kalium dhe pak sodium. Ajo është burim i pasur i magnezit dhe rrjedhimisht ul rrezikun e formimit të gurëve në veshka. Silikoni që ajo përmban përthithet lehtësisht nga organizmi duke nënvizuar kështu ndikimin e birrës kundër osteoporozës.

Largon stresin: Si çdo pije tjetër alkoolike, birra ul stresin dhe lehtëson gjumin.

Diuretike: Birra shërben si diuretike dhe rrit urinimin. Kjo lehtëson largimin e shpejtë të toksinave nga organizmi.

Pastron traktin gastrointensinal: Birra është një burim i mirë i fibrës së tretshme që promovon shëndetin e përgjithshëm, i bën mirë zemrës dhe pastron sistemin tretës.

Këshilla

Kujdes: Pirja e tepruar e birrës ose varësia ndaj saj është e rrezikshme për shëndetin dhe mund të transformojë negativisht të gjitha vlerat e mira të saj.

Kujdesuni të konsumoni jo më shumë se 1 gotë në ditë ose një në dy ditë./Agroweb  S.M

 

Të fundit

Djegia e flamurit shqiptar, Spahiu: U përdhos atje ku ka urrejtje për ne

Një video që tregon disa të rinj teksa shkelin dhe kalojnë me makinë mbi flamurin shqiptar të hedhur në...

“Zjarrfikësja nuk kishte ujë”, flasin banorët e Delvinës

Banorë të fshatrave Senicë, Vergo dhe Palavli kanë folur mbi situatën e zjarrit në Delvinë, pasojat që ka lënë pas dhe ndërhyrjen nga autoritetet. “Unë...

Flet pronarja e shtëpisë së djegur: Do flemë në qiell të hapur, kush do mendojë për ne?

Ana Duka është një banore e fshatit Kopaçëz të Delvinës, që është prekur nga zjarret shkatërrimtare. Disa orë pasi u detyruan të evakuoheshin nga shtëpia...

Zbulohet plani që do përmbyste qeverinë në Beograd

Serbia ëshë tronditur nga zbulimi i një plani për të përmbysur qeverinë dhe për të bërë një ndryshim me forcë të pushtetit. Prokuroria e...

Akt heroik i policëve në Delvinë, shpëtojnë fëmijën 10 vjeç

Një akt heroik është shënuar në fshatin Kopaçëz të Delvinës, ku dy efektivë policie kanë rrezikuar jetën për të shpëtuar një fëmijë 10-vjeçar dhe...

Lajme të tjera

Web TV