I ftuar në studion e Fax News këtë pasdite ishte eksperti i ekonomisë Shpëtim Agolli.
Agolli analizoi rënien e vlerës së euros.
Për të, kjo vjen nga politikat e gabuara të qeverisë dhe korrupisionit të madh, të cilin e ka zbuluar edhe KLSH-ja.
Agolli shprehet se kryeministri duhet të mbajë përgjegjësi për ministrat që janë nën hetim.
Shpëtim Agolli: “Rasti i paprecedent, rënia e euros. Nuk besoj se do sjellë ndonjë gjë të re ndryshimi i ministrave. Këto 10 vjet të njëjtët fytyra kanë qenë. Përgjegjësia kryesore i takon kryeministrit.
Ministrat i zgjedh kryeministri. Disa preh tyre janë përsëri. Po këta mbajnë përgjegjësi?! Kjo qeveri është tej mase e korruptuar. Vetëm raporti i KLSH ka deklaruar vite me rradhë. Në 8 vite janë rreth miliardë euro që vidhen. Kemi tendera që nuk plotësojnë kushtet e garantuara. Merren nga njerez që janë të lidhur me qeveritarët, me politikanët”, tha Agolli.
Agolli u ndal edhe te zhvillimet e fundit në Partinë Dmeokratike. Së fundmi ai u zgjodh si një nga anëtarët e rinj të Këshillit Kombëtar të PD-së në Kuvendin e 2 shtatorit.
Problemi kryesor për situatën në PD sipas tij është Sali Berisha. Ish-kryeministri zgjodhi të vendosë interesat personale mbi ato të demokratëve dhe kjo solli çarjen e partisë.
Shpëtim Agolli: “Data 9 më kujtoi revoltën e Postribës, ishte revoltë anti-komuniste në vitin 1946. Edhe PD kur u ngrit në dhjetor 1990 kishte qëllim rrëzimin e komunizimit. Në 32 vite nuk u afirmua si parti antikomuniste pasi ka pasur forca të errëta në krye si Sali Berisha.
Ai e shkatërroi PD-në. Zoti Berisha në vitin 1992 ka fituar bindshëm ndaj PS. Në 96 fitoi sepse u hapën firmat piramidale dhe qarkullonin shumë para. Për etjen e tij për të kapur pushtetin i vodhi zgjedhjet. Në 2005 fitoi se PS u nda.
Edhe faktori ndërkombëtar, amerikanët edhe e rehabilituan Berishën. Ishte qeverisja më e mirë nga 2005-2009.
Kur bëri aleancë me Ilir Metën filloi koprrupsioni, u futën militantët nga LSI dhe PD. Më kujtohet edhe data 9 shtator 2021 kur zoti Basha e shpalli zotin Berisha si të padëshirueshëm në grupin parlamentar.
Për interesat e veta Berisha shpalli luftë ndaj pjesës tjetër ndaj pjesës zyrtare të PD, ndaj kreut të PD-së”, tha Agolli./ S.M
