Një nënë britanike ka xhiruar një video ku iu lutet njerëzve të ndalojnë së qeni egoista dhe të qëndrojnë në shtëpi.
Marcela Diaz Young filmoi kërkesën e saj në një video pesë-minutëshe që njerëzit të ndihmojnë në mbajtjen e të tjerëve të sigurt dhe parandalimin e përhapjes së koronavirusit, i cili tani ka vrarë 335 britanikë dhe ka infektuar më shumë se 6.600 të tjerë.
Ajo thotë: “Unë dua t’u them të gjithëve – ju lutem, rri në shtëpi. Ju lutem, ju lutemi, respektoni karantinën”.
“Kjo është shumë, shumë serioze. Njerëzit me shumë probleme shëndetësore mund të vdesin, andaj mos u bëni egoist. Mendoni për njerëzit në rrezik”.
Marcela, që besohet se është nga Londra, kollitet ndërsa thotë kërkesën e saj. Ajo detajon simptomat e saj të zymta.
“Kam pasur një javë të vërtetë, vërtet të keqe javën e kaluar. Unë ende përpiqem të marr frymë”, shton ajo.
“Të gjithë thonë” nuk do të vdesësh Marcela. “Unë nuk do të vdes, e di këtë, por ne po infektojmë njerëz që rrezikojnë vërtetë të vdesin”.
“Java e kaluar për mua ishte një javë kaq e tmerrshme. Është gjëja më e tmerrshme që mund të ndodhë. Ju nuk mund të merrni dot frymë lirshëm”.
“Unë jam e frikësuar, shumë e frikësuar. Trupi im po lufton”.
Ajo shtoi: “Mendova se kjo nuk do të ndodhte me mua. Mendova se do të ishte grip normal – ky nuk është grip normal”./Mirror
