Një aksident ajror ka ndodhur së fundmi në Afrikë. Sipas mediave të huaja mësohet se një aeroplan transportues, i cili u tha se kishte lidhje me grupin mercenar rus Wagner, është përplasur.
E gjithë ngjarja ka ndodhur në afërsi të aeroportit Gao, qytet ku zhvillohen luftime të ashpra. Nga video e transmetuar shihet momenti i përplasjes dhe se si avioni del nga pista dhe më pas përfshihet nga flakët.
Avioni u ul shumë larg nga pista dhe nuk arriti të frenojë brenda 500 metrave, kapërceu pistën dhe më pas shpërtheu. Ndërkohë, burime pranë Wagner kanë mohuar që grupi mercenar rus të jetë përfshirë në këtë aksident, edhe pse forcat e tyre ndodhen ende në vendin afrikan. “Ky aeroplan nuk kishte personel nga grupi Wagner,” tha burimi.
Ende nuk është përcaktuar numri i viktimave, por dyshohet se në bord mund të kenë qenë 140 pasagjerë. / S.M
