Ministrja e Shëndetësisë Ogerta Manastirliu ka deklaruar se këtë javë mund të ketë rritje të numrit të të prekurve nga koronavirusi.
Sipas saj, qytetarët duhet që të respektojnë masat, pasi përndryshe do të ketë pasoja katastrofale.
“Kemi marrë sigurisht masa për të ndaluar përhapjen e koronavirusit. Ne kemi identifikuar pacientin zero më datë 8 mars dhe sot jemi në kushtet kur të identifikuarit janë të hospitalizuar. Kësaj jave mund te kemi rritje peronash të infektuar, por ndoshta edhe javës tjetër. Projeksionet ndoshta nuk janë 100 për qind të sakta, por janë parashikime që janë të vlefshme. Masat që kemi marrë urojmë që të ulin kurbën e rasteve.
Masat do të zgjaten në kohë dhe do merren sipas ecurisë së kurbës. Qytetarët ka shumë rëndësi që të izolohen dhe të lajnë duart si dhe të marrin ata masa, që ne kemi thënë. Nëse nuk merren masa, pasojat mund të jenë fatale. Të gjithë pacientëve, edhe atyre që kanë humbur jetën, iu është dhënë ndihma”, tha Manastirliu për News 24.
