Ish-finalisti i spektaklit televiziv “BBV2”, Krist Aliaj, në një intervistë për revistën “Bordo”, ka treguar për jetën e tij personale, planet që ka për të ardhmen si dhe për mendimet që ka për vajzat shqiptare.
I pyetur se si u njoh me partneren ai është përgjigjur: “Ne u njohëm në një galeri në Petrelë. Ishte shumë spontane, ajo ishte pas meje dhe po drejtohej për te galeria, për ku isha nisur dhe unë. Aty filloi afrimi, kuptuam që nuk ishte thjesht një pëlqim i rastit.
Të paktën unë nga ana ime, e them me siguri që ajo që ndjeva ishte më shumë sesa një tërheqje e momentit. Që në shkëmbimin e fjalëve të para, mënyra sesi flisnim për jetën e për tema të ndryshme, u ndje rehatia dhe të përbashkëtat që ne kishim me njëri-tjetrin,- tha ai.
Më pas u pyet se sa rëndësi ka pamja e jashtme e një vajze për të
“Shumë! Fiziku flet për gjenetikën, për të kaluarën, të tashmen, të ardhmen dhe pasardhësit. Për mua ka rëndësi edhe mënyra si ajo e trajton fizikun e saj; si vishet, si i kreh flokët, parfumi që përdor, sa rëndësi i kushton lëkurës etj,” shtoi ai, duke nënkuptuar që këto kanë qenë gjërat e para që ka vënë re tek partnerja e tij.
Duke e lidhur me faktin që ai është rritur jashtë gazetarja e pyeti se çfarë i pëlqen dhe çfarë jo në përgjithësi te vajzat në Shqipëri?
“E mbrojnë shumë feminilitetin, janë të investuara te mashkulli. Nuk më pëlqen që shiten shpejt për fasadë, japin veten për gjëra që mendojnë se janë të rëndësishme, por më vonë ato vetë e kuptojnë se nuk ishin aspak të tilla.
Diçka tjetër që më ka bërë përshtypje te vajzat në Shqipëri, është që mendojnë më shumë në grup sesa individualisht”, përfundoi ai./ S.M
