Mjeku Pëllumb Pipero shprehet se nëse rastet me koronavirus vazhdojnë me këto ritme, atëherë do të lindë nevoja për një spital Covid 2.
Ai shton se janë 4 pacientë në terapi intensive.
Sipas Piperos, mjekimi në vendin tonë është po ai që përdoret edhe në vendet e tjera.
“Nëse rastet me koronavirus vijnë me këto ritme atëherë, do të lindë nevoja për të kaluar në skenarin e dytë, për të hapur spitalin Covid 2. Dua të ritheksoj se OBSH nuk ka një protokoll anti-covid, por ka një protokoll simptomatike. Situata e të sëmurëve tanë është shumë dinamike. Ne kemi momentalisht 4 pacientë në terapi intensive. Ndërkohë, eksperience e vendeve të tjera, ka modeluar një protokoll ende të pa miratuar nga institucionet ndërkombëtare, me trajtimin me oksigjeno-terapi. Janë porositur medikamente të tjera. Dua të siguroj të gjithë qytetarët se mjekimi është ai që përdoret edhe në vendet e tjera”, u shpreh Pipero për Ora News.
