Arinjtë pelushi me sy të lidhur që mbajnë fotografi të fëmijëve të kapur nga Hamasi janë vendosur sot në një shesh qendror të Tel Avivit.
Arinjtë gjithashtu janë ngjyrosur me “njolla gjaku” për të përfaqësuar brutalitetin e sulmeve mbi dy javë më parë.
Afërsisht 30 fytyra të fëmijëve janë ekspozuar, disa prej tyre deri në nëntë muajsh.
Numri i personave të konfirmuar se mbahen peng nga Hamasi në Gaza është rreth 220.
Shifra është në rritje nga 212 që mendohet se janë kapur në inkursionin e 7 tetorit.
Zëdhënësi i kundëradmiralit Daniel Hagari tha se IDF ka kryer bastisje “të kufizuara” në rajon për të synuar persona të armatosur të Hamasit dhe për të kërkuar pengje. Ai gjithashtu pohoi se sulmet ajrore po përqendrohen në zonat ku Hamasi po mblidhet për të luftuar çdo ofensivë më të gjerë izraelite.
Ushtria izraelite bëri me dije se kreu më shumë se 300 sulme ajrore gjatë ditës së kaluar në “infrastrukturën terroriste dhe objektivat ushtarake”. Si pasojë e luftimeve deri më tani janë vrarë më shumë se 4,600 njerëz.
Ndërkohë, sipas mediave të huaja militantët e Hamasit pritet të lirojnë rreth 50 pengje me shtetësi të dyfishtë./ S.M
