Përveç shumë civilëve, lufta që po zhvillohet në Gaza mes Izraelit dhe Palestinës u ka marrë jetën edhe shumë gazetarëve.
Kjo ka bërë që gazetari palestinez Salman al-Bashir të shfaqet i revoltuar teksa raportonte për zhvillimet e fundit. Ai shihet teksa heq veshjen që supozohet ta mbronte nga sulmet, ndërsa shpërthen në lot.
“Nuk durojmë dot më, jemi të rraskapitur”-, shprehet ai, teksa dhe kolegia e tij në studion televizive nuk i mban dot lotët.
Korrespodenti i Al Jazeera, heq përkrenaren dhe jelekun, duke deklaruar se një nga kolegët e tij dhe 11 anëtarë të familjes së tij u vranë në shtëpinë e tyre në Gaza.
Ai gjithashtu theksoi se bombardimet izraelite janë bërë të padurueshme për banorët e Gazës.
“Askush nuk kujdeset për ne apo për shkatërrimet dhe krimet e përhapura në Gaza”, vazhdon ai duke shpërthyer në të qara.
Sipas Komitetit për Mbrojtjen e Gazetarëve (CPJ), gjithsej 36 gazetarë kanë humbur jetën në përleshjet në Gaza./ S.M
