test

Mediat italiane jehonë marrëveshjes Rama-Meloni për emigrantët/ Zbulohen të tjera detaje

113 563 lexime

124,178FansaPëlqeje

Të tjera detaje janë zbuluar nga mediat italiane në lidhje me marrëveshjen e nënshkruar sot në Itali nga kryeministri Edi Rama dhe homologia e tij Giorgia Meloni.

Sipas mediave italiane të cilat ia kanë bërë jehonë lajmit, marrëveshja nuk do të zbatohet për emigrantët që mbërrijnë në brigjet dhe territorin italian, por ekskluzivisht për ata që shpëtohen në det, me përjashtim të të miturve, grave shtatzëna dhe subjekteve vulnerabël. Strukturat e krijuara, shpjegohet, do të mund të strehojnë gjithsej deri në 3 mijë emigrantë në muaj ose 39 mijë në një vit, “për të përfunduar me shpejtësi procedurat për shqyrtimin e kërkesave për azil apo riatdhesimin e mundshëm”.

Marrëveshja synon të pengojë largimet dhe të krijojë parandalim kundër trafikimit të qenieve njerëzore .

Protokolli u mbyll në thelb gushtin e kaluar (gjatë takimit që të dy liderët zhvilluan dhe që u cilësua si një festë e thjeshtë ) dhe do të jetë funksional në pranverën e vitit 2024. “Është marrëveshja e parë e këtij lloji, një marrëveshje historike jo vetëm për Italinë por për të gjithë Bashkimin Evropian”, u tha në Palazzo Chigi.

Ku do të ngrihen strukturat?

“Në portin e Shëngjinit (porti detar që ndodhet në veri të Shqipërisë) do të merremi me procedurat e zbarkimit dhe identifikimit, ndërsa në një tjetër zonë më të brendshme do të krijohet një strukturë tjetër e bazuar në modelin e Qendrave të Mbajtjes së Riatdhesimit (Cpr)”, shpjegoi Meloni , duke shtuar se forcat e policisë shqiptare do të bashkëpunojnë për të garantuar “sigurinë dhe mbikëqyrjen e jashtme të strukturave”.

“Nëse Italia thërret Shqipërinë përgjigjet”, tha Rama gjatë konferencës për shtyp me Melonin.

“Nuk na takon ne të gjykojmë meritat politike të vendimeve të marra në këtë vend dhe institucioneve të tjera, na takon ne të përgjigjemi “të pranishëm” kur është fjala për të dhënë një dorë. Këtë herë do të thotë të ndihmosh në menaxhimin e një situate të vështirë për Italinë me pak më shumë hapësirë ??për frymëmarrje”. “Gjeografia”, shtoi ai, “është bërë mallkim për Italinë, kur hyn në Itali hyn në BE. Shqipëria nuk është pjesë e Bashkimit por është një shtet europian, neve na mungon U-ja përpara por kjo nuk na pengon të jemi dhe ta shohim botën si europianë”.

Lexo edhe :  ‘The Sun’: Vizitoni Lumin e Shalës, ‘Tajlanda e Shqipërisë’ me ujëra të pastra kristal

“Shqipëria jo vetëm që konfirmon veten si një mike e Italisë , por edhe si një komb mik i BE-së”, u përgjigj Meloni, “ndonëse Shqipëria nuk është ende formalisht pjesë e BE-së, ajo sillet sikur të ishte tashmë. Kjo është një nga arsyet pse jam krenare për faktin se Italia ka qenë gjithmonë një nga mbështetësit më të mëdhenj të hyrjes së Shqipërisë dhe Ballkanit Perëndimor në BE”.

Sipas asaj që shpjegohet nga burimet e Palazzo Chigi, nuk parashikohet asnjë kompensim ekonomik në favor të Shqipërisë .

Ndërtimi i zonave në portin e Shëngjinit dhe Gjaderit do të jetë përgjegjësi e Italisë./I.S

Të fundit

​Nga Ursula von der Leyen tek António Costa, cilët janë emrat e vjetër e të rinj në BE

Duket se para samitit të BE, Ursula von der Leyen e ka emërimin të garantuar. Negociatorë të Partive Popullore...

Manja: Hetimi për spitalin Onkologjik ka nisur në janar 2023

Teksa foli për rritjen e pagave të administratës, ministri i Drejtësisë, Ulsi Manja, u ndal te skandali në spitalin Onkologjik. Ai tha se hetimet kanë...

Dyshohet se shkelën pronën e kryeministrit britanik/ Arrestohen 4 persona

Katër burra u arrestuan të martën me dyshimin për shkelje të ligjit, pasi hynë në territorin e pronave në fshat të kryeministrit Rishi Sunak...

Kërkoi masë më të lehtë sigurie, GJKKO lë në fuqi masën ‘arrest në burg’ për Jorgo Goron

GJJKO lë në fuqi masën ‘arrest me burg’ për ish-kryebashkiakun e Himarës, Jorgo Goro. Goro kërkoi masë më të lehtë sigurie, por u refuzua nga...

“Kini mendjen se po xhirojnë”/ Skandali te Onkologjiku, si ruheshin mjekët nga gazetarët

Denoncimet e pacientëve kanë zbuluar të gjithë skemën si mjekët dhe personeli që punonte tek Onkologjiku nxisnin pacientët të kryenin vizitat dhe shërbimet në...

Lajme të tjera

Web TV