Ish-presidenti Alfred Moisiu ka kritikuar ashpër këtë të premte Greqinë për përplasjet me Shqipërinë, për shkak të kryebashkiakut të zgjedhur të Himarës, Fredi Beleri, i cili ndodhet në qeli dhe nuk është betuar ende.
Moisiu tha në Euronews Albania se Greqia po përdor një pretekst që nuk i bën aspak nder, ndaj duhet të bëjë kthesë.
“Preteksti është preteks. Në rastin konkret, Gjermania tha që s’mund të ngatërrohen problemet bilaterale me problemet ballore që ka Europa. Kjo duhet të ishte mësim për Greqinë. Veto e Greqisë është e patolerushme. Greqia duhet të bëjë kthesë. Nuk mund të vazhdohet në 2023 me metodat e 1945, Beleri dihet kush është. Por të mbash një figurë si Beleri për të krijuar përplasje mes dy vendeve fqinje tregon një qËndrim politik të vjetërsuar. Sot kur të gjithë tentojnë të hynë në Europë edhe Greqisë i bëhet mirë që ballkani të ndalojë të qenurit në situatë që të ketë të paparitura. Greqisë nuk i bën nder një qendrim i tillë. Ne kemi qenë korrekt dhe jemi në raportet mioqësore dhe fqinjësore dhe duam që të jenë korrekt dhe ndaj nesh”, u shpreh ai.
Ish-presidenti kujtoi një deklaratë të tij për Greqinë gjatë pjesëmarrjes në Samitin e vitit 2003, në Selanik dhe theksoi se me fqinjin duhet gjetur një rrugë e përbashkët komunikimi.
“Unë përdor gjithmonë një fjalë, të cilën për herë të parë e përdorur në samitin e 2003 në Selanik. Shokun dhe mikun mund t’i zgjedhësh, por fqinjin ta jep Zoti. Pra me fqinjin duhet gjetur mënyra se si të bashkëjetosh, flas kur kemi kontradikta, jo më me një fqinj që jemi në rrugë të përbashkët për sa i përket politikës ekonomike dhe mbrojtëse”, nënvizoi Alfred Moisiu./e.t
