Teksa numri i viktimave në Gaza po afrohet gjithnjë e më shumë në shifrën 20,000, shefi i OKB-së për refugjatët paralajmëron se vlerësimet aktuale po bien shumë më poshtë se numri aktual i viktimave.
Ministria e Shëndetësisë në Gaza, e cila drejtohet nga Hamasi, thotë se më shumë se 18,700 njerëz janë vrarë në enklavë që nga fillimi i luftës, raporton BBC.
“Ne ende nuk kemi parë se çfarë ka nën rrënoja”, thotë Martin Griffiths, nënsekretari i Përgjithshëm për Çështjet Humanitare dhe Koordinatori i Ndihmës Emergjente në një intervistë me Financial Times.
Ai jep shembullin e tërmeteve në Turqi në fillim të këtij viti, kur numri i të vdekurve “aty afër u dyfishua” pas një operacioni rraskapitës kërkimi dhe shpëtimi për të gjetur trupat e bllokuar nën ndërtesat e shembura.
Me bombardimet vdekjeprurëse izraelite që vazhdojnë si në veri ashtu edhe në jug të Gazës, Griffiths beson se konflikti nuk ka arritur ende në gjysmë të rrugës, duke shtuar: Kemi javë dhe javë për të përfunduar këtë luftë të egër./O.S
