Këto pamje vijnë nga Universiteti i Arteve në qendër të Pragës, aty ku ndodhi një sulm me armë pasditen e sotme duke lënë pas disa viktima dhe të plagosur.
Disa studentë janë zvarritur nëpër mure për t’i shpëtuar sulmit, e disa të tjerë janë mbyllur nëpër klasa, sipas informacioneve që përcjell transmetuesi çek, CTK.
Të shtënat kanë ndodhur në Fakultetin e Arteve të Bukura të Universitetit të Karlovës, një nga më të vjetrit në botë, pranë sheshit Jan Palach në qytetin e vjetër të Pragës. Sipas policisë, e cila ka ndërhyrë menjëherë në vend dhe ka evakuuar universitetin dhe të gjithë sheshin Jan Palach, personi që ka qëlluar tashmë është vrarë.
Policia ndërkohë ka bërë thirrje që qytetarët të gjejnë një vend të sigurt deri në një njoftim të dytë./O.S
