Ministri i Shtetit për Diasporën Pandeli Majko ka deklaruar se propozimet për t’u dhënë të drejtë emigrantëve që të votojnë i janë dërguar komisionit e Reformës Zgjedhore
“Grupi Ndërinstitucional i Punës, i ngritur me urdhër të Kryeministri, finalizoi propozimet lidhur me hartimin e paketës ligjore për garantimin e të drejtës së votës për shtetasit shqiptarë jashtë territorit të Republikës së Shqipërisë. Propozimet e këtij grupi iu nisën Komisionit të Reformës Zgjedhore”, shprehet ministria.
Grupi Ndërinstitucional i Punës propozon për ndryshim; Në nenin 1: – Pas pikës 1 të shtohet pika 2 me këtë përmbajtje: “Ky kod ka për qëllim përcaktimin e rregullave për përgatitjen, zhvillimin, administrimin, mbikëqyrjen dhe shpalljen e rezultatit të zgjedhjeve për në Kuvendin e Shqipërisë dhe referendumet për zgjedhësit jashtë territorit të Republikës së Shqipërisë”. – Në germën “e”, të pikës 2, të nenit 1, të shtohet togfjalëshi “ për votimin brenda dhe jashtë territorit të Republikës së Shqipërisë”.
Ndërsa, ndryshimi i dytë që kërkon grupi i punës është se KQZ të administrojë zgjedhjet brenda dhe jashtë vendit
“Në nenin 2 – Pika 7 të riformulohet si më poshtë vijon: “KQZ” është Komisioni Qendror i Zgjedhjeve, i cili është organi më i lartë shtetëror i përhershëm, i ngarkuar për administrimin e zgjedhjeve brenda dhe jashtë territorit ë Republikës së Shqipërisë, në përputhje me rregullat e përcaktuara në këtë Kod”, thuhet në propozimet e grupit të punës.
Po ashtu një pikë tjetër e propozuar për ndryshim është dhe publikimi i listës së zgjedhësve
Konkretisht në pika 9 të riformulohet kërkohen ndryshim: “Listat e zgjedhësve ndahen në dy kategori: ” i. Listat e zgjedhësve brenda territorit të Republikës së Shqipërisë, të cilat burojnë nga Regjistri Kombëtar i Gjendjes civile për çdo zonë të qendrës së votimit, të hartuara në përputhje me këtë Kod. Listat e zgjedhësve jashtë territorit të Republikës së Shqipërisë që burojnë nga shprehja e vullnetit të zgjedhësit në përputhje me rregullat dhe procedurat e parashikuara në këtë Kod.
Një tjetër ndryshim që kërkohet nga grupi i punës në Kodin zgjedhorë është edhe pika 27 ku kërkohet të përcaktohet se: “Zgjedhës jashtë territorit të Republikës së Shqipërisë” janë shtetasit shqiptarë, që kanë shprehur paraprakisht vullnetin për të ushtruar të drejtën e votës jashtë vendit dhe janë pjesë e listës së zgjedhësve jashtë territorit të Republikës së Shqipërisë.
