Në Shqipëri orët e fundit ka pasur ulje të rasteve të reja me Covid-19. Nga 182 persona të testuar, 6 prej tyre kanë rezultuar pozitivë. Deri në këtë moment numërohen 383 raste më Covid-19.
Ajo që vihet re është një frenim i rasteve në Shkodër, të cilën Rama ditë më parë e cilësoi si një ‘bombë të kurdisur’ pasi aty u evidentuan shumë raste në pak orë.
Harta është zgjeruar me Tiranën, e cila aktualisht ka numrin më të madh të të infektuarve me 181 raste dhe pasohet nga Shkodra me 44 raste.
Orët e fundit janë shtuar rastet në Elbasan dhe Korçë. Fatmirësisht numri i viktimave nuk është rritur dhe mbetet po 22.
Ministria e Shëndetësisë dhe Mbrojtjes Sociale i kërkon qytetarëve të vijojnë të respektojnë masat e distancimit social në mënyrë që të evitojmë përhapjen e mëtejshme të Covid-19.
