Shqiptarët të cilët kishin mbetur në mes të ftohtit në kufirin e Kapshticës prej disa ditësh për shkak të bllokimit të pikës kufitare nga ana e qeverisë shqiptare më në fund do të strehohen në një hotel karantinë.
Ata kanë plotësuar procedurat dhe kontrollin mjekësor dhe më pas janë akomoduar në një nga hotelet në qytetin e Korçës.
Emigrantët do të qëndrojnë në karantinë në këtë hotel për rreth 14 ditë dhe të gjitha kostot, si shpenzimet për fjetje dhe ushqim, do të mbulohen nga Këshilli Koordinues i Diasporës.
Pas afatit 14-ditor të karantinimit, shqiptarët do të mund të rikthehen te familjet e tyre. Gjendja e tyre shëndetësore ditët e fundit u përkeqësua ndjeshëm, kur njëri prej emigrantëve pësoi gjendje të fikëti ditën e sotme.
