Qeveria e Ukrainës ka nisur një aksion kombëtar për të përfshirë në protokollin e trajtimit mjekësor të pacientëve me koronavirus, ilaçin Hydroksilklorinë.
Sipas Ministrisë së Shëndetësisë së Ukrainës, theksohet se 320,000 tableta të këtij ilaçi do të përdoren për të trajtuar më shumë se 22,000 pacientë.
“Ministria e Shëndetësisë po bën çmos për të luftuar koronavirusin në mënyrën më efektive të mundshme. Për këtë arsye, ne kemi kërkuar nga prodhuesit farmaceutikë ndihmën e tyre. Kjo sasi tabletash do të jetë e mjaftueshme për të trajtuar mbi 22,000 pacientë me COVID-19”, tha sot ministri i Shëndetësisë së Ukrainës, Maxym Stepanov.
Produkti mjekësor me substancë aktive Hydroxychloroquine është shpërndarë tashmë midis njësive strukturore të kujdesit shëndetësor. Ndërsa priten edhe sasi të tjera për t’i përdorur te pacientët e prekur nga koronavirusi. Shpërndarja e kësaj sasie pritet të bëhet në fillim të javës që vjen.
“Ky ilaç është përfshirë në protokollin tonë për trajtimin e pacientëve me COVID-19 dhe do të përdoret për pacientët me simptoma të rënda nën mbikëqyrjen e rreptë të mjekëve si dhe me pëlqimin me shkrim të vetë pacientëve. Ai do të jetë falas për ata pacientë që me të vërtetë e duan për arsye mjekësore” shpjegoi ministri i Shëndetësisë, Maxim Stepanov./Përshtati nga Reliefweb për Fjala.al, B. Quku
