Ish-kryeministri Sali Berisha ka theksuar se as i shkon ndërmend që t’i bashkohet grupit të mjekëve në luftën ndaj koronavirusit.
Gjatë një interviste në Skype për emisionin “Zonë e Lirë”, Berisha shpjegoi se ai nuk e quan më veten mjek pasi ai ka një shkëputje 30-vjeçare nga profesioni dhe dijet e tij kanë avulluar.
“Nuk më shkoi dhe nuk kishte si të më shkonte në mend se pas 30 vitesh të pretendoni që unë jam mjek është gjëja më qesharake. Asnjë njeri që nuk e ushtron një profesion për 30 vite nuk besoj se mund ta ushtroj ndonjëherë më. Unë kam qenë mjek me një pasion të jashtëzakonshëm por nuk mund të them që jam më kardiolog. Kam qenë 20 vite kardiolog”, u shpreh Berisha.
