Kosova nis sot censin për matjen e popullsisë/ Lista Serbe reagon ashpër

113 563 lexime

124,178FansaPëlqeje

Kosova nis sot (5 prill) regjistrimin e popullsisë në vend. Censusi do të zhvillohet nga Agjencia e Statistikave të Kosovës dhe do të zgjasë deri më 17 maj.

Regjistrimi i popullsisë do të shërbejë për politikat sociale që do të ndërmerren në të ardhmen nga qeveria, që nga kujdesi shëndetësor, arsimi, zhvillimi i infrastrukturës e vendimmarrjet e tjera të rëndësishme.

Lidhur me censusin e popullsisë ka reaguar edhe Lista Serbe, e cila shprehet se komuniteti serb në veri nuk do të marrë pjesë në këtë proces. Duke e cilësuar procesin të turpshëm, lista Serbe shprehet se “proceset e organizuara nga Kurti do të ishte poshtërimi më i madh për popullin tonë, në kohën kur i njëjti ua mohoi serbëve të drejtën për pensione dhe paga”.

“Të nderuar qytetarë…dëshirojmë t’i dërgojmë një mesazh të qartë Albin Kurtit dhe ata që e mbështesin atë se populli serb nuk do të marrë pjesë në regjistrimin e ardhshëm në organizatën e tij, me të cilën ai dëshiron të konfirmojë suksesin e tij të turpshëm në dëbimin e serbëve. Proceset e organizuara nga Kurti do të ishte poshtërimi më i madh për popullin tonë, në kohën kur i njëjti ua mohoi serbëve të drejtën për pensione dhe paga, pengoi funksionimin normal të shëndetësisë dhe përfitimeve sociale, hoqi të drejtën e votës, arrestoi dhe persekutoi Serbët, e pushtoi komunat me forcë, militarizuan veriun e Kosovës. Krahas kësaj, Kurti dëshiron të sulmojë edhe Serbinë me këtë regjistrim me disa kërkesa për dëmshpërblime të luftës, gjë që e pengon edhe më shumë çdo serb të jetë pjesë e këtij procesi” shkruan Lista Serbe në Facebook.

Në këtë census të gjithë qytetarët janë të detyruar me ligj që të japin të dhënat e tyre të sakta në pyetësorin që do ju paraqitet dhe në rast refuzimi do të aplikohen penalitete që variojnë nga 30 deri në 2000 euro për person.

Lexo edhe :  Edhe Kosova nën pushtetin e flakëve, raportohen 29 vatra në tetë orët e fundit

Regjistrimi i fundit i popullsisë është kryer në vitin 2011, ku rezultuan mbi 1.7 milionë banorë në Kosovë./E.T

Të fundit

Avokati Kujtim Cakrani: Rama është palaço që i hedh benzinë zjarrit

Avokati Kujtim Cakrani, mbrojtësi ligjor i policit Ardian Isufi i cili tashmë është i pezulluar, ka deklaruar se nuk...

Duka, vizitë historike në Bujanoc për turneun futbollit në Luginën e Preshevës

Presidenti i Federatës Shqiptare të Futbollit, Armand Duka, zhvilloi një vizitë historike në komunën e Bujanocit, në kuadër të turneut të futbollit për fëmijë...

Lufta në Gaza, BE propozon që Izraelit t’i pezullohet qasja në fonde

Komisioni Evropian ka propozuar pezullimin e qasjes së Izraelit në fondet e Bashkimit Evropian për start-up në fushën e teknologjisë, teksa presioni rritet për...

Cilat janë pasaportat më të fuqishme në botë për 2025?

Firma britanike e konsulencës Henley & Partners ka publikuar edhe këtë vit renditjen e saj, tashmë tradicionale, të pasaportave më “të fuqishme” në botë,...

Grushtet mbi kamerierin dhe shuplaka mbi shoqërinë

Nga Sebi Alla Shuplakë, grushte dhe fyerje mbi një gjimnazist vetëm 18-vjeçar, kamerier në një kompleks të njohur në Vlorë. Dhunuesi mund të ishte kushdo....

Lajme të tjera

Web TV