Kryetari i Bashkisë Shkodër, Benet Beci, ka reaqguar për ngjarjen e nënës me 3 fëmijët, të cilët janë zhdukur prej disa ditësh dhe dyshohet se janë mbytur në lumin Buna.
Me anë të një statusi në rrjetet sociale, Beci kërkon që të zbardhet ngjarja e plotë dhe të dënohet çdo person që mund të ketë përgjegjësi.
“Shkodra, por edhe gjithë opinioni publik ndihen sot tepër të tronditur nga humbja tragjike e një nëne dhe tre fëmijëve të saj.
Inkurajoj fort institucionet përkatëse të bëjnë të mundur zbardhjen e plotë të ngjarjes dhe dënimin e kujtdo që ka përgjegjësi”, shkruan kryebashkiaku./ S.M