Gjatë raportimit në Komisionin e Ligjeve, kreu i SPAK, Altin Dumani u shpreh se gjatë vitit 2023 janë sekuestruar 41 mln euro pasuri.
Sipas tij, 237 të paraburgosur ka pasur prej SPAK, më pak se 9% e totalit të personave në paraburgim.
Dumani në fjalën e tij ngriti edhe shqetësimin e “fatit” të prokurorëve të SPAK, pas mbarimit të mandatit. Ai i bëri një thirrje Kuvendit për një përcaktim të qartë ligjor.
“Kemi arritur një besueshmëri me vendet partnere. Përfaqësues së DEA-s dhe FBI-së jashtë atashuar pranë SPAK. Kemi vendosur kontakte të drejtpërdrejta me vendet e Amerikës Latine për të luftuar krimin e organizuar. Në total kemi ndërtuar 32 skuadra të përbashkëta hetimore. Ka rritje të subjketeve që janë shpallur në kërkim ndërkombëtar. Ne kemi paraqitur në raport disa shqetësime dhe shpresojmë që Kuvendi t’i japë zgjidhje si mungesa e përcaktimit të qartë ligjor të prokurorëve të SPAK, pas mbarimit të mandatit, mungesa e këshilltarëve ligjorë”, u shpreh Dumani./ S.M
