Mjeku shqiptar në Londër, Ardian Fandi, ka folur për disa masa shtesë që duhet të marë çdo qytetar në shtëpinë e tij.
Në një lidhjeje në “Skype” në emisionin “Shqipëria Live”, duke folur për situatën aktuale të koronavirusit, ai u shpreh se masat e marra nga Shqipëria janë të duhurat dhe kjo ka bërë që ne të kemi numër të pakët të të infektuarve dhe viktimave.
“Ne jemi një vend i varfër dhe u treguam më më shumë të zgjuar se shumë vende të tjera. Ndërsa Anglia është e pasur dhe në këtë rast nuk u tregua e zgjuar”.-u shpreh Fandi.
Më tej mjeku këshilloi qytetarët që të qëndrojnë në shtëpi dhe të respektojnë higjienën, pasi vetëm në këtë mënyrë mund të minimizohet përhapja e virusit.
“Masat këtu janë më të lehta, por masat e buta po tregojnë se si po përhapet sëmundja. Unë po marr shembull Londrën, e cila është 3-fishi i Shqipërsisë, ju keni bërë një super punë me orën policore (u referohet masave). Po të shikosh sa kanë vdekur në Londër dhe në Shqipëri ka shumë diferencë. Në Londër kanë vdekur 3 mijë vetë në Shqipëri 25. Anglia është një vend i pasur dhe në këtë situatë nuk u tregua e zgjuar. Ne jemi një vend i varfër dhe u treguam më shumë të zgjuar se shumë vende të tjera.
Nëse nuk do të kishim marrë masat atëherë do të kishim shumë të sëmurë. Ne në fillim na thanë mos vendosni maska sepse përhapni panik tek pacientët. Kemi qenë në shkollë kemi bërë provimin e higjienës, ishte provim i lehtë, por qenka e vështirë për t’u aplikuar. Unë them që virusi do të përfundojë nëse respektojmë masat dhe qëndrojmë të mbyllur. Për fat të keq një person nuk shfaq simptoma, por duke mbajtur karantinën për një kohë që është e nevojshme, përhapja mund të minimizohet. Ju lutem rrini në shtëpi, ju lutem mbani higjienë. Çdo kokërr molle, domateje, pastrojeni dhe më pas futeni në shtëpi”,-tha ndër të tjera mjeku./Fjala.al/
