Këngëtari ka dashur të bëjë disa sqarime të rëndësishme pas ndarjes nga Chiara Ferragni pa kursyer të tjerët.
Fedez nuk ka ndër mend t’i falë miqtë dhe bashkëpunëtorët e Chiara Ferragni-t, kurse ndaj ish-partneres tani nuk tregon më mëri dhe inat. Kështu lë të kuptohet nga deklarata e tij e fundit.
Fedez ka dashur t’u përgjigjet atyre që e akuzojnë se kënga e tij e fundit në bashkëpunim me Emis Killa është sulm kundra Chiara-s.
“Mendoj se jam treguar mjaft i sjellshëm në lidhje me marrëdhënien me Chiara-n. Për të kam vetëm respekt. Nuk do të hedh poshtë nënën e fëmijëve të mi. Por situata ndryshon për miqtë dhe bashkëpunëtorët e saj. Ndaj tyre nuk kam kurrfarë dhembshurie dhe as nuk do të kem.”
Fedezi duket i palëkundur për t’u hakmarrë ndaj atyre që me këshillat e tyre negative ndikuan në përçarjen e marrëdhënies së tij me Chiara-n./E.Ç
