Në ambientet e Bibliotekës Kombëtare në Prishtinë është hapur ekspozita në nder të Pjetër Bogdanit.
Ekspozita përmban 7 dorëshkrime të Bogdanit, të zbuluara në arkivën e Vatikanit të një nga hulumtuesit më të mirë Bejtullah Destani, i cili ia ka dhuruar këto dorëshkrime Bibliotekës e cila është pasuruar me to, raporton Kult Plus.
“Figura e Bogdanit ishte udhërrëfyese e ndriçuese në shekullin e 17, atë e kemi njohur si autor të veprës ”çeta e profetëve’ e cila është përkthyer në gjuhën e italiane, dhe e cila tashmë komunikon me botën.
Ai ndër të tjera e pasqyron më së miri situatën kombëtare e shoqërore tonën si arqipeshkv i Tiranës, Shkupit e Shkodrës, i cili shënoi, la shënime e i dërgoi në qendra të ndryshme sidomos në Romë”, tha në çeljen e kësaj ekspozite Don Lush Gjergji.
Para publikut u paraqit edhe hulumtuesi Destani, i cili tha se është i lumtur për jetësimin e kësaj ekspozite derisa inkurajoji studiuesit e hulumtuesit që t’i rreken punës për të gjetur dosje e dorëshkrime të tjera të kësaj figure të madhe të kulturës sonë.
Në kuadër të kësaj ekspozite u prezantuan dokumente të rëndësishme të Bogdanit, të cilët Biblioteka ka arritur t’i sigurojë.
Ekspozita do të qëndrojë e hapur dhe përmban libra, fotokopja origjinale e veprës së Bogdanit, e pjesë të veçanta të veprës “Ceta e profetëve”, botime monografike e studimore të shkruara për Bogdanit si dhe artikuj nga revista e gazeta të ndryshme.
