Afrika mund të jetë vatra e radhës së pandemisë së koronavirusit Covid-19, paralajmëroi ditën e sotme Ogranizata Botërore e Shëndetit.
Drejtoresha e OBSH-së për Afrikën, Matshidiso Moeti ka paralajmëruar se Afrika nuk ka kapacitetin e duhur mjekësore për të shëruar sa më shumë pacientë të infektuar, pasi ka një mungesë të theksuar në paisje mjekësore.
“Për këtë arsye në kontinentin afrikan, fokusi është vënë në parandalimin e infektimit dhe jo në shërimin nga koronaviursit”, tha ajo.
Në Afrikë ekziston një rrezik shumë i lartë i përhapjes së shpejtë të koronaviursit pasi shumë zona nuk kanë kushtet elementare të higjenës. Deri më tani në këtë kontinent janë regjistruar 18.333 raste të të infektuarve, nga të cilët 4.352 pacientë janë shëruar, ndërsa 961 persona kanë humbur jetën.
