Vajza e ish-presidentit të SHBA, Ivanka Trump ka folur sërish për projektin në ishullin e Sazanit, Shqipëri. Në një intervistë për mediat amerikane, vajza e Donald Trump ka treguar hotelet luksoze që do të ndërtohen në vendin tonë, në bashkëpunim me bashkëshortin e saj Jared Kushner.
“Tani për tani unë jam duke punuar me burrin tim. Ne kemi këtë ishull prej 1,400 hektarësh në Mesdhe dhe do të sjellim arkitektët më të mirë dhe markat më të mira”, tregon ajo.
Trump, e cila punoi për babanë e saj në Shtëpinë e Bardhë, së bashku me Kushner, thotë se do të bëjë më të mirën, për t’iu përshtatur terrenit që ofron ishulli. Po ashtu tregon se projekti është shumë modern, dhe vetëm ajo do të kujdeset që mos të cenohet terreni apo bimësia që e rrethon Sazanin.
“Pushuesit do të kenë mundësi të shijojnë pamjen e mrekullueshme, në fshihet në ujërat e këtij ishulli”, shtoi ajo.
Dhomat në resorte do të kushtojnë mesatarisht rreth 1,400 dollarë në natë dhe vilat kushtojnë 50,000 dollarë./ S.M