Juristi kreshnik Spahiu duke komentuar protestën e thirrur nga opozita ditën e nesërme para Kryeministrisë, deklaroi se Rama mund të qëndrojë në pushtet edhe për 20 vite nëse, tubimet zgjasin nga 20 minuta.
Në një intervistë për emisionin “Report Tv”, juristi Spahiu deklaroi se faktet prej 30 vitesh kanë treguar se asnjë qeveri nuk është rrëzuar me protesta.
“Rama qëndron në pushtet edhe 20 vjet nëse protesta e opozitës zgjat 20 minuta dhe të nesërmen ata shkojnë në plazh. Kam një logjikë të bazuar në fakte dhe statika që bën të besojë se të paktën në 30 vite e fundit asnjë qeveri nuk është rrëzuar nga pushteti për shkak të protestave partiake”, tha Spahiu.
Spahiu thotë se një protestë e dështuar nuk e dobëson regjimin, ndërsa thekson se opozita është ‘kampione’ e mitingjeve, por kur përballet në zgjedhje kjo nuk i përkthehet në vota.
“Protesta të cilat konsiderohen konferenca shtypi në natyrë, ku dalin 20 persona dalin e flasin në bulevard dhe fil si protestë. Kjo ndodh vetëm në Shqipëri. Në gjithë planetin protestat kanë filozofi tjetër, është një revoltë popullore. Konferencat e shtypit në natyrë mund të bëhen në bahçe, bulevard, por këto nuk e rrëzojnë regjimin politik. Opozita është kampione e mitingjeve por ditën e zgjedhjeve nuk i konvertohet në votë. Një protestë e dështuar i shërben regjimit politik, nuk e dobëson atë”, u shpreh Spahiu./ S.M