Arjola Demiri ka qenë e ftuara e radhës në podcastin e Evi Reçit ku ndër të tjera ka treguar detaje mbi prindërimin e saj, si dhe kritikat që ka ajo për brezin e prindërve tanë.
Aktorja rrëfeu se është një nënë liberale që nuk u mohon fëmijëve gjërat që ata do t’i kenë patjetër, pasi siç tha ajo brezat që po vijnë janë shumë të zhvilluar dhe nëse ti u mohon diçka ata do të kenë disbalanca me moshatarët.
Arjola rrëfeu me sinqeritet se si kur erdh nga Tropoja në Tiranë për të studiuar pa një disbalancë në formim me bashkëmoshatarët e saj dhe këtë tha ajo, nuk do të donte që ta kishin edhe fëmijët.
“Unë mendoj që brezat tanë janë brezat më të mirë për të vënë atë gërshërën e për të këputur fillin e brezave të prindërve tanë dhe unë mendoj se e kam bërë këtë me fëmijët e mi.
Shumë sjellje të prindërve të mi që nuk më janë dukur adapte, mendoj se e kam këputur fillin.
Unë fëmijëve të mi u kam thënë që gabimi më i madh të jetë, duhet të ma thoni ju të parët, most të ma thotë askush tjetër. Besoj se ky është çelësi i suksesit. Jam shumë e hapur jam shumë liberale, Sa më i ndrydhur fëmija aq më shumë do gabojë.
Shoh që ka prindër shumë të rreptë, i kyçin, nuk u lenë telefona, nuk u lënë rrjete sociale. Është brezi i atillë, është një brez shumë i zhvilluar. Është njëlloj si unë kur kam qenë në Tropojë, psh. këtu në Tiranë mund të kishte aktivitete, teatër etj, që mua në formimin tim më kanë munguar dhe kam patur një disbalancë më moshatarët e mi këtu. Dhe kur kam ardhur në Tiranë kisha një blackout total, një disbalancë, ata dinin shumë gjëra. Ne nuk mund t’I ndalojmë fëmijët tanë dhe t’I zbresim një shkallë më poshtë moshatarëve të tyre. Sado që ne t’I ndalojmë ata do të dalin një ditë nga protektiteti ynë dhe do t’I mësojnë të gjitha por do të jetë vonë”, tregoi Arjola. S.B
