Ambasadorja amerikane në Tiranë, Yuri Kim ka përshëndetur gjestin e Shqipërisë për dërgimin e një ekipi me 60 infermierë drejt Italisë.
Përmes një shkrimi në ‘Twitter’, ambasadorja falenderoi NATO-n e cila ka dërguar ndihma drejt Italisë, por në mënyrë të veçantë falenderoi Shqipërinë e cila dërgoi ekipin e dytë mjekësor.
“Ndërsa Aleatët e NATO-s bashkohen për të luftuar #COVID19, falënderime të veçanta për Shqipërinë për dërgimin e mjekëve në Itali (në 0:38). #WeAreNATO” shkruan ambasadorja Yuri Kim.
Pas grupit të parë prej 30 mjekësh dhe infermierësh, ky është grupi I dytë me 60 infermierë që qeveria shqiptare ka dërguar në veri të Italisë e cila dhe është zona më e goditur nga koronavirusi.
As NATO Allies band together to fight #COVID19, special thanks to
for sending medics to
(at 0:38). #WeAreNATO @ediramaal @xhacka_olta @ItalyinALB https://t.co/ONGQ1zwxgR
— U.S. Ambassador to Albania (@USAmbAlbania) April 20, 2020
