Angelina Jolie percolli përmes avokatit të saj një kërkesë personale ndaj ish-bashkëshortit, Brad Pitt, qe të ndërpresin proceset gjyqësore duke qetesuar keshtu tensionin në marrëdhënien e tyre. Revista People raporton se avokati i 49-vjeçarit, Paul Murphy, lëshoi një deklaratë në të cilën ai i referohet propozimit të Brad Pitt për të blerë aksionet e Jolie në kantinë Château Miraval. Në këtë mënyrë, Pitt “u përpoq të ndëshkonte dhe kontrollonte Anxhelinën, duke i kërkuar asaj të nënshkruante një marrëveshje tjetër të gjerë konfidencialiteti mes tyre për të fshehur sjelljen e tij të keqe dhe abuzimin (e anëtarëve të familjes së tij) “.
Murphy shtoi se kjo sjellje e Pitt nuk i bëri përshtypje Jolie dhe se ai ka frikë të dorëzojë dokumentet që dëshmojnë për këto incidente. “Angelina po i kërkon sërish zotit Pitt të ndalojë së luftuari dhe më në fund ta lërë familjen e tyre të lëvizë, dhe nëse zoti Pitt nuk e heq padinë kundër saj, ajo nuk ka zgjidhje tjetër veçse të sigurojë të gjitha provat e nevojshme për të hedhur poshtë pretendimet e tij”. Çështja ligjore mes ish-çiftit gjurmohet në dokumentet në posedim të Pitt që kanë të bëjnë me komunikimet që ai kishte me palët e treta pas incidentit të vitit 2016, kur Jolie pretendon se ai sulmoi anëtarët e familjes së tyre gjatë një fluturimi. Jolie refuzon t’i shesë atij aksionet e saj në kantinë, sepse Pitt kërkon që ky informacion të mbahet përgjithmonë dhe ajo nuk është e gatshme t’i angazhohet atij./E.Ç
