Një përdorues në ‘Tik Tok’, vendosi të japë “këshilla për dembelët” dhe si pasojë mori një breshëri komentesh.
Bota “magjike” e TikTok është krejtësisht e paparashikueshme. Asnjëherë nuk e dini se çfarë do të shihni në videon e ardhshme, nëse ajo do t’ju shokojë, frikësojë, apo do ju bëjë të qeshni.
Së fundmi, Aliain, krijuese nga Gjermania, ka vendosur të “çmendë” ndjekësit e saj dhe jo vetëm. Më konkretisht, në një video që ka postuar dhe ka arritur gati 8 milionë shikime, ka treguar një mënyrë të pastrimit dhe zierjes së patateve.
TikToker-ja tregoi se si gjithçka bëhet shumë më e lehtë nëse i vendosni patatet në lavatriçe, pa i larë ato. Thjesht shtoni një tel. Ndizni lavatriçen dhe pas pak ushqimi juaj është gati.
Siç mund ta imagjinoni, videoja shkaktoi një stuhi komentesh.
“Kam bashkuar patatet dhe rrobat”, ka shkruar njëri. “Në 90 gradë dhe 1400 rpm bëhen patatina të skuqura”- komentoi dikush tjetër.
Mirëpo, krijuesja e videos duket se nuk është frenuar, kështu që disa ditë më vonë ajo postoi video të re në TikTok, ku bën të njëjtën gjë.
@aliain13 Try it.😉 #lifehacks #foryou #asmrfood ♬ Inspector Ratchet – Ty Simon
