Presidenti turk Erdogan kritikoi dhe konsideroi imoralitet ceremoninë e hapjes së Lojërave Olimpike të Parisit.
Ashtu si shumë organizata të tjera botërore fetare, Erdogan e quajti ceremoninë “imoralitet ndaj kristianëve”.
Një nga skenat që u kritikua më shumë ishte ajo kur kërcimtarët transseksualë u vendosën sipas portretit të Darkës së Fundit të Krishtit me apostujt e tij.
“Ajo që u bë në Paris degradoi njerëzit në një nivel… një nivel më poshtë sesa kafshët”, tha Erdogan.
Organizatorët u shprehën se kishin qëllim të përshkruanin një darkë pagane pa dashur të ofendojnë njeri. Megjithatë, shumë njerëz, përfshi dhe ish-presidentin Donald Trump e konsideruan shfaqjen si parodi ofenduese.
“Do të telefonoj sa më shpejt Papën për të parë mendimin e tij mbi imoralitetin e kryer ndaj botës kristiane dhe të gjithë kristianëve. Lojërat Olimpike po përdoren si një mjet pervers për të korruptuar natyrën njerëzore”, tha presidenti.
Presidenti i Turqisë shtoi se e kishin ftuar dhe se do të kishte shkuar, por mbesa e tij e kishte paralajmëruar se do të kishte një eveniment për LGBT-në.
“A mund ta imagjinoni se si një eveniment botëror sportiv, që supozohet të bashkojë njerëzit, të përçajë dhe të përhapë një armiqësi të tillë ndaj vlerave të njerëzimit? Ajo që u bë në Paris kishte për qëllim ta vendoste njeriun në nivel më të ulët se kafsha.”/e.t