Këtë të mërkurë u raportua se shteti amerikan i Misurit paditi Kinën për shpërthimin e pandemisë së koronavirusit. Por pas kësaj padie ka reaguar edhe shteti kinez i cilësoi si krejt absurde një padi të tillë.
Zëdhënësi i Ministrisë së Jashtme, Geng Shuang tha se veprimi juridik nuk ka “asnjë bazë faktike dhe ligjore”, ndërsa përsëriti se Kina nuk ka asnjë gisht në shpërthimin e pandemisë.
“Që nga fillimi i shpërthimit, Kina ka proceduar në mënyrë të hapur, transparente dhe të përgjegjshme. Qeveria amerikane duhet të tërhiqet nga akuzat dhe kjo padi”, tha ai.
Ministria dhe departamentet e tjera të qeverisë kineze kanë mohuar me forcë akuzat se Kina e raportoi me vonesë shpërthimin e koronavirusit në Wuhan në fund të vitit të kaluar. Megjithatë, faktet treguan më vonë se Kina ishte e shqetësuar për stabilitetin politik sesa për shëndetin e njerëzve.
Stafi mjekësor i cili raportoi shpërthimin u kërcënua dhe u detyrua të heshtë. Se çfarë po ndodhte në Wuhan nuk u tregua për ditë të tëra derisa qeveria vendosi ta deklaronte në një konferencë për mediat.
Prokurori i lartë i shtetit të Misurit njoftoi të martën se zyrtarët kinezë janë fajtorë për pandeminë që ka prekur rreth 2.5 milion në të gjithë botën, ndërsa kanë humbur punën dhjetëra miliona duke shkatërruar ekonomitë në vende të ndryshme të botës.
Prokurori i Përgjithshëm Eric Schmitt u shpreh qeveria kineze gënjeu për rreziqet e virusit dhe nuk bëri aq sa duhet për të ngadalësuar përhapjen e tij.
Veprimi i Misurit ka të ngjarë të jetë kryesisht simbolik, pasi paditë kundër vendeve të tjera zakonisht nuk shkojnë askund dhe përgjithësisht ligji amerikan i ndalon ato./Përshtati nga The Time, për Fjala.al, B.Quku
LEXO EDHE:
Shteti amerikan nuk heziton, por padit Kinën: Të paguajë dëmet e COVID
