Avokati i italianit të arrestuar në Shqipëri dhe që është infektuar me koronavirus shprehet se klienti i tij duhet të zhvendoset nga ambientet e paraburgimit në Tiranë, për të kryer karantinën në një vend më të sigurt.
Sipas avokatit Giovanni di Cosimo, italiani është arrestuar në lidhje me disa sekuestrime fabrikash në Shqipëri, me të cilat nuk ka asnjë lidhje.
“Në paraburgim iu bë tamponi i parë dhe doli negativ, por doli pozitiv në testin e dytë. Kërkesa jonë është që ta zhvendosim nga paraburgimi dhe të dërgohet në ambiente shtëpie, pasi në qeli ka rrezik që të përhapet më tej virusi”, tha avokati për A2CNN.
