Ai mbetet një prej emrave më të rëndësishëm në panteonin e vlerave të trashëgimisë botërore. Luciano Pavarotti humbi jetën fillimshtatorin e vitit 2007, duke lënë pas një zbrazëti të madhe.
Pavaroti lindi në Modena (Emilia-Romanja), Italinë e veriut, më 12 tetor 1935.
Pavaroti këndoi për herë të parë në botën e operas më 29 prill 1961, në rolin e Rodolfos në Bohema, në teatrin e operas të Regjo Emilias.
U kthye në tenorin më të famshëm italian në tridhjetë viteve të fundit si edhe këngëtari më i famshëm jo vetëm në botën e operas, por ndër të gjitha zhanret.
Rreth orës pesë të mëngjesit të 6 shtatorit 2007, ka mbyllur sytë në shtëpinë e tij në Modena të Italisë, pas një beteje të gjatë me kancerin, legjenda e zërit operistik.
Këngëtari i famshëm megjithëse i ishte nënshtruar trajtimeve të specializuara, asnjë deklaratë nuk ishte bërë publike për gjendjen e tij shëndetësore, deri kur ai u nda nga jeta. Lajmin e bëri të ditur menaxheri i tij, Terri Robson, i cili u shpreh: Maestro luftoi për një kohë të gjatë kundër kancerit të pankreasit, që në fund i mori jetën.
I adhuruar për aftësinë e të bërit spektakël, Pavarotti ishte i adhuruar më së shumti për mrekullinë që ishte zëri i tij. Placido Domingo, partneri muzikor dhe miku i tij u shpreh pas lajmit të vdekjes së Pavarott-it: “E kam adhuruar gjithnjë madhështinë që Zoti i kishte dhuruar zërit të tij, atë timbër të veçantë e të pagabueshëm që kapte çdo notë që një tenor mund të kapë”.
Pavarotti u shfaq për herë të fundit në një skenë të madhe dimrin e vitit 2006, me rastin e Lojërave Olimpike Dimërore të Torino, ku këndoi arien e famshme “Nessun dorma”, me turmën që i shërbeu si kor, dhe që në fund e duartrokiti fuqishëm.
KALENDAR
1776 – Uragani kalon nëpër qytetin Guadeloupe dhe len të vdekur 6000 njerëz.
1885 – Rumelia Lindore shpall bashkimin me Bullgarinë.
1939 – LDB: Afrika Jugore i shpall luftë Gjermanisë.
1965 – India sulmon Pakistanin dhe shpall se forcat e veta do ta pushtojnë qytetin Lahore brenda një ore
1991 – Bashkimi Sovjetik pranon pavarësinë e Shteteve Baltike: Estonia, Latvia dhe Lituania.
1991 – Emri Sent Petersburg i kthehet qytetit të dytë më të madh rus pasi i ishte ndërruar në vitin 1924 në Leningrad.
