Detaje të reja janë zbuluar nga denoncimi që kanë bërë prindërit e 17-vjeçares së përdhunuar nga 72-vjeçari Bajram Tusha në Sarandë, përmes emisionit “Me zemër të hapur”.
Prindërit kanë thënë se në fakt i fejuari, i cili quhet Gentian Ruçi, e ka marrë vajzën dhe e ka mbajtur mbyllur në një dhomë për 25 ditë. Madje më tej ata hodhën akuza se i fejuari mund ta ketë përdorur vajzën e tyre për shokët pasi sa herë që e telefononin, ajo u thoshte Genti (i fejuari) e kishte lënë me një shok.
Nëna: Vajza tha unë e dua, më tha Genti do të marr në shtëpi, do të mbaj mirë Unë refuzova ardhjen e këtij djali.
Babai: Unë fola 5 llafe që ti bënim gjërat njerëzisht. Ai më tha unë duhem me Jonën, nuk e lë!
Pastaj ma mori një ditë e më tha, unë do e marr e nuk e sjell më, vajza është e imja!
Unë i thashë: nuk ta jap vajzën se është në shkollë. Vajza nguli këmbë. Në atë moment u shtriva unë në shesh e i thashë më bjer mua me këmbë pastaj dil.
Nëna: Por të nesërmen iku, dhe mbas 25 ditësh vajza u kthye. 25 ditë e mbante në një dhomë e çonte vajzën te shokët në Sarandë. Vajza u sëmur, i bënë 10 gjilpëra në një ditë. Unë këtë s’e kam parë ndonjëherë që të bëhen 10 gjilpëra në ditë.
Më thoshte jam te shoku i gentit, do vijë Genti në darkë.
Gazetarja: Pse s’bëtë denoncim?
Babai: Nuk na ka pranuar policia e shtetit. Kam shkuar shtatë a tetë herë. Vajza filloi të fliste keq në telefon, dhe ne dyshuam.
Më 4 mars bëri 17 vjeç.
Më thonin ti e ke fejuar vajzën dhe më nxorrën përjashta.
Pas 25 ditësh, që u kthye vajza në shtëpi ishte shumë rëndë.
