Një vaksinë e mundshme ndaj Covid-19 raportohet se ka dështuar në provën e parë klinike. Një provë nga ekspertët kinezë tregoi se ilaçi nuk kishte qenë i suksesshëm, sipas disa dokumenteve të publikuar aksidentalisht nga Organizata Botërore e Shëndetit.
Vaksina nuk e përmirësoi gjendjen e pacientëve ose zvogëloi praninë e patogjenit në rrjedhën e gjakut, shkruhej atje. Firma amerikane që qëndron pas ilaçit, Gilead Sciences, tha që dokumenti kishte keqpërshkruar studimin.
Lajmet për provën e dështuar u publikuan nga OBSH së bashku me të dhënat e provave klinike, por shumë shpejt ato u fshinë. OBSH raportoi menjëherë se raporti i projektit u publikua gabimisht.
Në raport tregohej se në studim morën pjesë 237 pacientë, duke u injektuar në 158 dhe procesi i tyre u krahasua me 79 të tjerë që morën placebo.
Pas një muaji, 13.9% e pacientëve që morën ilaçin kishin vdekur në krahasim me 12.8% të atyre që morën placebo. Prova u ndalua herët për shkak të efekteve anësore.
Galaad ka kundërshtuar postin e OBSH.
“Ne besojmë se posti përfshin karakterizime të papërshtatshme të studimit,” tha një zëdhënës i Gilead, duke shtuar se ai u ndërpre herët për shkak të regjistrimit të ulët dhe për këtë arsye nuk ishte statistikisht i rëndësishëm.
“Si i tillë, rezultatet e studimit janë jokonkluzive, megjithëse tendencat në të dhëna sugjerojnë një përfitim të mundshëm , veçanërisht në mesin e pacientëve të trajtuar herët në sëmundje,” tha ai.
Kjo nuk parashikon fundin e rrugës për ilaçin, megjithatë, dhe disa prova të vazhdueshme së shpejti do të japin një pamje më të qartë mbi përdorimin e tij. /Burimi: BBC Përshtati:Fjala.al
P.S: Fjala.al kujton se kjo është vaksina e zhvilluar në Kinë, ndërsa vaksina e krijuar nga Universiteti i Oksfordit në Britaninë e Madhe, e cila filloi testimin tek njerëzit ditën e djeshme është ende në testim.
