Mëngjesin e sotëm, Gazment Bardhi ka mbledhur Grupin Parlamentar të Partisë Demokratike.
Mbledhja po zhvillohet në prag të nisjes së seancës plenare, ku do të mbahen 2 interpelanca.
Interpelanca e parë është thirrur nga vetë Bardhi dhe do të mbahet me kryeministrin Edi Rama për skandalin e mbetjeve të rrezikshme që u bllokuan në Azi.
Interpelanca e dytë është thirrur nga një grup deputetësh me ministren e Infrastrukturës, Belinda Balluku, për bllokimin e hyrjes në autostradën Thumanë-Kashar dhe në Rrugën e Kombit./ S,M
