Nga Eduard Dervishaj, Federata Futbollit te Mbretesise se Spanjes.
54 vjet më parë në Stadiumin Kombëtar “Qemal Stafa”, u shkruajt faqja e pare e “triologjise” së famshme të Kupave të Evropës
Nëse do të bisedosh me një holandez mbi arritjet e vendit të tij menjëherë do të flasi me krenari për “Clockwork Orange” dhe pa dyshim, për AFC Ajax. Në Holandë Ajaxi konsiderohet pasuri kombëtare. Në fakt, për kontributin e tij në evolucionin e lojës duhet të konsiderohet pasuri në trashëgiminë e botës së futbollit.
Rrugëtimi i tyre drejt suksesit do të fillonte në mbasditen e 16 shtatorit 1970, në fushen e stadiumit kombëtar “Qemal Stafa” ku do të luanin ndeshjen e parë për Kupën e Klubeve Kampione të Europës, sezoni 1970/71. 15.000 tifozët e pranishëm patën fatin të shikojnë AFC Ajax; “makina” më moderne e futbollit te kohes; një ekip që kishte lindur për të dominuar futbollin e kontinentit. Në atë mbasdite shtatori në Tiranë ata filluan konfirmimin e superioritetit të futbollit të tyre, që do të kurorëzohej dhe me fitoret e njëpasnjëshme të tre titujve në sezonet: 1970/71, 1971/72 dhe 1972/73.
Luanin futboll magjepsës, një mënyrë krejtësisht e re dhe e panjohur më parë ku dallohej Hendrik Johannes Cruijff (Johan Cruyff). Futbolli i tyre u pagëzua me emrin “futboll total”. “Krijuesi dhe ideologu i asaj filozofie loje ishte trajneri i tyre, një tjetër holandez i shquar, Rinus Michels” që atë dite do të drejtonte ekipin e tij në stadiumin kombëtar “Qemal Stafa”.
Përballe do të kishin një nga ekipet më të shkëlqyer të historise së futbollit shqiptar i drejtuar po ashtu nga një trajneri i shquar: Myslym (Lym) Alla.
“KS 17 Nëntori” i Tiranës: Mihallaq Konomi (Shpëtim Habibi 61), Gani Xhafa, Gëzim Kasmi, Fatmir Frashëri, Perikli Dhales, Iljaz Çeço, Niko Xhaçka (Josif Kazanxhi 58’), Ali Mema, Medin Zhega, Skënder Hyka, Arben Çela.
AFC Ajax: Heinz Stuy, Barry Hulshoff, Velibor Vasović, Wim Suurbier, Gerrie Mühren, Ruud Krol, Sjaak Swart, Nico Rijnders, Johan Neeskens, Dick van Dijk, Piet Keizer.
Gjyqtar: Paul Schiller (Austri)
Ndeshja perfundoi me rezultatin 2 – 2. Për Ajaksin shënoi Wim Suurbier ne minuten e 19të dhe të 58të dhe për 17 Nëntorin Kazanaxhi dhe Zhega në minuten e 59 dhe 85.
Atë mbasdite në stolin e Ajaxit, në stadiumin kombëtar “Qemal Stafa”, u ulën dy nga personalitetet më të shquara të futbollit botëror: Johan Cruyff dhe Rinus Michels.
