Në një botë ku fëmijët e famshëm shpesh e gjejnë veten të futur në qendër të vëmendjes që në moshë të re, Paris Hilton po bën një qasje ndryshe me familjen e saj. Në intervistën e fundit, ylli dhe këngëtarja e njohur televizive zbulon zgjedhjen e qëllimshme për të mbrojtur fëmijët e saj të vegjël, Phoenix dhe Londrën, nga sytë e publikut.
Ylli e ka kaluar jetën e saj në qendër të vëmendjes, por kjo gjë nuk i pëlqen për fëmijët. Ajo preferon që vogëlushët e saj të mos jenë të dhënë pas famës dhe jeta e tyre të jetë e thjeshtë dhe e bukur.
“Duhet të jesh shumë i fortë që të jesh i famshëm. Vëmendja është shumë e lodhshme, ndaj do t’i lë ata të lirë të zgjedhin atë që duan të bëjnë vërtetë dhe jo nën ndikimin e famës”, u shpreh Hilton në një intervistë.
Ajo dhe bashkëshorti i saj Carter Reum mirëpritën dy fëmijë të sjellë në jetë përmes një nëne surrogate. Djali i tyre, Phoenix Barron Hilton Reum, erdhi në jetë në janar 2023 dhe më pas vajza London Marilyn Hilton Reum, në nëntor 2023.
E pyetur në lidhje me jetën e saj private, se si ja del që të menaxhojë dhe rolin e mëmësisë si dhe jetën e saj profesionale, ylli 43 vjeçar u përgjigj: “Unë jam një nënë e karikuar me energji dhe mund t’i bëj të gjitha. Mendoj se nënat janë heroina. Unë nuk jam një person që më pëlqejnë kornizat, mund të bëj shumë gjëra dhe kam akoma shumë aspirata në jetë. Më pëlqen të jem një biznesmene dhe të qenit nënë është pjesa ime e preferuar” , vijoi Paris. S.B
