Lamine Yamal është i pandalshëm në rrugën e tij për t’u bërë yll. Goli i tij kundër Monakos nuk ishte i mjaftueshëm për të shmangur humbjen për Barcelonën, por ky gol e bëri atë golashënuesin e dytë më të ri në historinë e Champions League, pas shokut të skuadrës Ansu Fati. Më 29 prill 2023, kur ishte vetëm 15 vjeç, 9 muaj e 16 ditë, ai debutoi për Barçën në një ndeshje kundër Betis.
Por, përpara se të bënte debutimin e tij, Lamine Yamal tashmë kishte impresionuar stafin stërvitor dhe shokët e tij të skuadrës.
Jordi Cruyff, asokohe drejtori sportiv i klubit, kujtoi momentin kur ylli në rritje u zbulua nga Xavi.
Herën e parë që shkoi në stërvitje, pas 5 minutash trajneri i atëhershëm, Xavi, na pa dhe tha se ai është i veçantë.
“Xavi donte të bënte të mundur debutimin e tij pak më herët, por ne menduam “ai nuk është ende nën kontratë, kështu që si fillim do të sigurohemi që ai të jetë i yni për shumë vite’,” tha Cruyff.
Klubi ende nuk e kishte lidhur me një kontratë që mund ta mbronte nga interesat e skuadrave të tjera dhe ne donim ta ‘fshehnin’ për të shmangur tundimet dhe “vjedhjet” nga klubet sportive. “Mbaj mend shokët e tij të skuadrës veteranë, kur ai preku topin e parë, të gjithë thanë se ai është ndryshe, shumë i vështirë për t’u markuar”, vazhdoi Jordi Cruyff.
“Ai është një yll, por ne gjithmonë kemi pak frikë, ai është shumë i ri, duhet t’i japim kohë sepse ndonjëherë do të ketë momente më të mira dhe më të këqija, ndonjëherë do të marrë një vendim të gabuar. Nuk është mirë që askush t’a klasifikojë si më të mirin në këtë moment, por duhet parë me qetësi, me këmbë në tokë, që të vazhdojë të punojë, sepse është një lojtar me talent të jashtëzakonshëm”, tha Jordi Cruyff./ D.C
